PANGNGEBARANG 5:10 - KITTA' MATANGKASA'

¹⁰ Kakalumanynyangannu lala'busuki nikanre ri tau maraeng, siagang wassele' karesoannu la'jari napatangi tau tenaya nanuassengi.

PANGNGEBARANG 5:10 Iomraidhean Croise

PANGNGEBARANG 29:3

Inai angngai kacara'dekanga, napakasannangi pa'mai'na manggena. Inai sileporang siagang baine salaya, napa'laboangi doe'na.

PANGNGEBARANG 31:3

Teako pa'laboangi kagassingannu yareka nupela' bawang-bawang kakassakannu mae ri bainea. Jaimi karaeng a'jari panra' lanri baine.

PANGNGEBARANG 5:11

Kale'bakkanna lakkunrareng mako, punna cappu'mo batangkalennu nikanre ri garring.

PANGNGEBARANG 5:9

Punna assileporangko siagang baine kammaya anjo, latappela'mi kala'birannu, siagang nyawanu laniallemi ri wattu rungkanu ri tau tangngassenga mangngamaseang.

PANGNGEBARANG 6:26

Anjo baine salaya akkullei nisewa sanrapang kanre sipannea anggaranna, mingka nikanaya a'gau' sala siagang bainenna tau maraenga musti nibayaraki siagang nyawa.

PANGNGEBARANG 6:35

Takkulleai ninyonyo' siagang doe'; manna siapa jaina hadia nisareangi talakkullei ampanaungi larrona.

HOSEA 7:9

Tanaassengai kalenna ke'nanga angkanaya lanri assibengkoro'nami ke'nanga siagang anjo bansa-bansa maraenga, natappela'mo kagassinganna ke'nanga. A'reppese'mi allo kala'busanna riwaya'na ke'nanga, mingka tanaassengai kalenna ke'nanga.

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’