PANGNGEBARANG 4:7 - KITTA' MATANGKASA'

⁷ Kaminang parallua musti uru nugaukang iamintu usahako a'jari cara'de'. Manna apa nuondang, mingka uru-urua iamintu usahako anggappa pangngassengang.

PANGNGEBARANG 4:7 Iomraidhean Croise

2 PATTOTTORANG 1:10

Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

PAMMUJI 119:104

Hukkung-hukkunTa nasarea' pangngassengang, sa'genna kukabirisi panggaukang jekkonga.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

PANGNGEBARANG 21:6

Kakalumanynyangngang nigappaya siagang tena lambusu' lintaki tappela' siagang naerangi taua mae ri kuburuka.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PANGNGEBARANG 4:5

A'jariko tau cara'de siagang tau tarang pikkirannu! Tuli u'rangi sikamma pappakaingakku siagang teako pelakki.”

PANGNGEBARANG 8:23

Nipa'jaria' battu ri pakaramulanna jammanga, ri pakaramulanna, ri tenanapa nipa'jari buttaya.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

KATO'BA 7:12

sangkamma tongi doe' assareaki' pakkasia' amang. La'biangampa pangngassengang nikanaya kacara'dekang! Inai ampatangi, iami lasalama'.

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

FILIPI 3:8

Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,