PANGNGEBARANG 4:24 - KITTA' MATANGKASA'

²⁴ Tea' laloko appasuluki kana-kana tenaya natojeng. Teako pa'dongo'-dongoki siagang pakabellai kana-kana balle-ballea untu' ampa'dongo'-dongoki parannu tau.

PANGNGEBARANG 4:24 Iomraidhean Croise

AYUB 11:14

Pelaki dosaya battu lalang ri atinnu siagang pakabellai kaja'dallanga battu ri balla'nu!

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PANGNGEBARANG 17:20

Sitaua patipu tena nalamate'ne, tau appengkaya lilana langgappai bala.

PANGNGEBARANG 19:1

Bajikangngangi tu kasi-asi lambusuka ri tallasa'na, kala tau tolo nangaia a'balle-balle.

PANGNGEBARANG 4:25

Parallui accaya rupannu lalang kalambusang pa'mai'nu; tena nuparallu a'gau' lanri nia'na ero' taccokkonu.

PANGNGEBARANG 6:12

Tau ja'dalaka siagang tau kurangajaraka a'la'bangi a'balle-balle.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PANGNGEBARANG 8:8

Kana-kanangku lambusu' ngasengi, manna se're tania' a'jekko yareka sala.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

KOLOSE 3:8

Mingka kamma-kamma anne parallui nupela' battu ri kalennu sikamma sipa'-sipa' ja'dalaka. Tea' mako larroi yareka a'jalloki pole yareka teako birisi' pa'maiki mae ri parannu tau. Tea sikaliko pasuluki ri bawanu kana-kana pali'boa, yareka bicara ra'masaka.

1 TIMOTIUS 6:5

siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.