PANGNGEBARANG 30:10 - KITTA' MATANGKASA'

¹⁰ Teako pitinai se'rea ata mae ri karaenna, gassingka nasumpako siagang nabilang salako.

PANGNGEBARANG 30:10 Iomraidhean Croise

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.

PANGNGEBARANG 28:27

Inai assare ri tu kasi-asia tena nalakakurangang. Inai tanjampangiai kaparalluanna tu kasi-asia lanatabai pattunra.

KATO'BA 7:21

Teako nungai ampilangngeri bicara battu pantaraka, gassingka natunraiko se'rea palayang.

DANIEL 6:13

a'lampa ngasemmi ke'nanga mange andallekang ri karaenga untu' antuntuki Daniel. Nakana ke'nanga, “Sai le'ba' maki' karaeng annekeng sura' parenta, ampisangkai sikontu taua lalang anne tallumpulo alloa untu' appala' doang mae ri kalase'renna rewataya yareka rupataua pantaranganna mae ri katte bawang? Kammayatompa angkanaya inai-nai andakkai anjo parentaya lanipasambilai antama' ri leang singaya?” Appialimi karaenga angkana, “Memang, siagang anjo parentaya a'jari undang-undangi mae ri Media siagang Persia, tenaya nakkulle nibeso' ammotere'!”

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

ROMA 14:4

Inaikoka antu sa'gennu akkulle angngadeli atanna tau maraenga? Natu'gurukka yareka nambangungka anjo ataya, anjo urusanna karaenna. Na memang lammentengi nai' anjo ataya, lanri Makoasai Batara ampamentengi nai'.

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

PAOLE 23:15

“Punna nia' ata lari battu ri karaenna nampa battu mae ri kau appala' pa'la'langngang, teako suroi ammotere'.

1 SAMUEL 24:9

Assailemi Saul mae ri boko. Su'ju'mi Daud ampakala'biriki Saul na nakana, “Angngapa nakipilangngeri kananna taua angkana erokka' ancilakaiki' Karaeng?

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.

1 SAMUEL 30:15

Nampa akkuta'nang Daud ri ia angkana, “Ero' jako angngantarakka' mange ri tampa'na anjo garombolanga?” Appialimi nakana, “Ero'ja', assala' a'janjiki' mae ri nakke lanri arenNa Allata'ala, angkanaya tena nalakibunoa' yareka kipassareanga' mae ri pinggawaku.”