PANGNGEBARANG 3:9 - KITTA' MATANGKASA'

⁹ Pakala'biriki Batara siagang assareko koro'bang kaminang bajika battu ri barang-barang wassele' buttanu,

PANGNGEBARANG 3:9 Iomraidhean Croise

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

2 PATTOTTORANG 31:10

nakanamo Imang Lompoa iamintu Azarya jari-jarina Zadok, “Baku'na naerang ra'yaka anjo passarena ngaseng mange ri Balla'Na Batara, tenamo nakakurangang ikambe ri kanre-kanreang; ba'lalo kala'biammi ikambe, sa'genna tuli jaina parsadiaang kanre-kanreanna ikambe. Yangasenna anjo akkullei natarima ikambe lanri Nabarakkakinna Batara Umma'Na.”

2 PATTOTTORANG 31:21

A'jari jama-jamanna, lanri sikontu apa nagaukanga untu' Balla'Na Batara yareka untu' anturuki hukkung-hukkunNa Batara, attojeng-tojengi pa'mai'na anggaukangi siagang attojeng-tojengi pa'mai'na mangngamaseang ri Karaeng Allata'alana.

PAMMUJI 144:13

Poro rassi ngaseng bonena sikontu gudanta rassi siagang sangka' rupa wassele' butta. Poro sikamma gimbalatta ri paranga a'bija sa'genna appulo sa'bu jaina.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

PANGNGEBARANG 11:25

Tau jaia passarena, lakala'biangi, tau nangai annulung lanitulung tongi.

PANGNGEBARANG 14:31

Inai a'gau' baji' mae ri tu kasi-asia, napakala'biriki Allata'ala; inai anjallakkangi tau lammaya, nahinai Tumappare'na.

YESAYA 43:23

Tena nungngerang gimbala' untu' koro'bang nitununu, tena nupakalompoA' siagang passarenu. Nampa tenaja Kubattalliko siagang koro'bang, yareka Kususaiko lanri annuntuKa' kamanynyang.

KAIMANGNGANG 19:25

Lalang taung makalima nampami akkulle nukanre rapponna. Punna nugaukang ngaseng sikontu anjo paratoranga, lapila' jai rapponna anjo poko' rappo-rappoannu. INakke Karaeng Allata'alanu.

PAMMILANGNGANG 15:20

Punna attunuko roti battu ri gandung uru-uru nukattoa, anjo rotia musti nupassareangi a'jari koro'bang nisa'la' mae ri Batara. Carana ampassareangi sangkamma tonji carana ampassareangi gandung uru nugilinga.

MATIUS 25:17

Kamma tomminjo nagaukanga palayang annarimaya ruassa'bu doe' ringgi' bulaeng; nanggappamo passawallang ruassa'bu doe' ringgi' bulaeng.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

PAOLE 14:29

Anjo kanre-kanreanga untu' tu Lewi, lanri tenana buttana ke'nanga, kammayatompa untu' tubattu-battua, untu' ana'-ana' kukanga, siagang untu' sikamma janda niaka ammantang ri kota-kotanu. Akkullei ke'nanga battu angngallei sikamma apa naparalluanga ke'nanga. Punna nugaukang anjo kammaya, laNabarakkaki Karaeng Allata'alanu sikontu usahanu.”