PANGNGEBARANG 3:7 - KITTA' MATANGKASA'

⁷ Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

PANGNGEBARANG 3:7 Iomraidhean Croise

2 SAMUEL 12:20

Jari ambangummi nai' Daud battu ri daparaka, nampa a'je'ne' siagang najangkai baji' uu'na, kammayatompa nasambei pakeanna. Le'baki anjo a'lampami assambayang ri Balla'Na Batara. Le'baki anjo ammotere'mi mae ri balla' kakaraenganga, siagang assuro patalami kanre, nampa angnganre.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 14:27

Mappilangngeria ri Batara iami pappokokanna kate'neanga; siagang oloang untu' alliliangi kamateanga.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

PANGNGEBARANG 23:4

Teako susa dudui kalennu untu' a'jari kalumanynyang. Pammari anjo pattujuang kammanu.

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

PANGNGEBARANG 26:5

Pakkuta'nanna tau toloa musti nipiali tongi pappiali tolo, sollanna naasseng kalenna lapung tau akkuta'nanga angkana teai tucara'de' sangkamma napikkirika ri kalenna.

PANGNGEBARANG 28:11

Tau kalumanynyanga tuli nakana kalenna cara'de', mingka tu kasi-asia, bajika akkala'na, naassengi angkana inai kalenna.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

YESAYA 5:21

Cilakako kau tau nukanaya kalennu cara'de' siagang sanna' porenu!

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 12:16

Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.