PANGNGEBARANG 3:5 - KITTA' MATANGKASA'

⁵ Tappakko mae ri Batara sibatu pa'mai', siagang teako na pammahannu bawang nurannuang.

PANGNGEBARANG 3:5 Iomraidhean Croise

EZRA 8:23

Jari appuasami ikambe siagang appala' doammi ikambe mae ri Allata'ala appala' pannulung sollanna Najagai ikambe; na Napilangngerimo pappala' doanna ikambe.

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 37:5

Passareangi tallasa'nu mae ri Batara, manrannuangko ri Ia, Iami lantulungko.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PANGNGEBARANG 22:19

Kupangngajarrangi mae ri kau kamma-kamma anne lanri kukellaiko ampatanjengi panrannuannu mae ri Batara.

PANGNGEBARANG 23:4

Teako susa dudui kalennu untu' a'jari kalumanynyang. Pammari anjo pattujuang kammanu.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YEREMIA 10:23

Batara, kuassengi angkanaya tena manna sitau makoasa ampattantui sarenna yareka allewai oloang tallasa'na.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

PAMMILANGNGANG 9:20

Mingka nia' todong wattu napirangallo areja anjo rammanga nia' irateanganna anjo Kemaya. Manna pole naantekamma, parentaNaji bawang Batara ampattantui ammantang ke'nanga ri se'reang tampa' yareka ambokoi anjo tampaka.

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

ROMA 12:16

Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!