PANGNGEBARANG 3:4 - KITTA' MATANGKASA'

⁴ sollannu ningai siagang nipakala'biri' ri Allata'ala siagang ri rupataua.

PANGNGEBARANG 3:4 Iomraidhean Croise

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PANGNGEBARANG 12:2

Tau bajika ningai ri Batara, mingka tau a'rancanga kaja'dallang langgappai hukkungang.

PANGNGEBARANG 13:15

Tau bajika akkala'na lanipalecei; tau tenaya nipatappaki lasusai tallasa'na.

PANGNGEBARANG 8:35

Inai ambuntulukka', anggappai katallassang, mangngellai Batara mae ri ia.

LUKAS 2:52

Pila' lompomi Isa siagang pila' cara'de'mi, na ningai ri Allata'ala siagang ri taua.

LAMPA-LAMPANA 2:47

Siagang tuli mammuji-muji ke'nanga ri Allata'ala, na ningai ngaseng ri tau jaia. Pila' mange allo pila' katambangi jaina ke'nanga, lanri pila' Natambai Allata'ala tau nipasalamaka mae ri ke'nanga.

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

2 KORINTUS 8:21

Nasaba' paralluki' a'gau' lambusu' ri dallekanNa Batara siagang ri dallekanna rupataua.

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.

1 SAMUEL 2:26

Na Samuel, anjo anaka, pila' lompomi siagang pila' ningaimi, baji ri Batara, kammayatompa ri sikontu taua.