PANGNGEBARANG 26:27 - KITTA' MATANGKASA'

²⁷ Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

PANGNGEBARANG 26:27 Iomraidhean Croise

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

PAMMUJI 10:2

Tampomi tu ja'dalaka anjallakkangi tu kasi-asia; boli'mi kamma nialle ke'nanga ri sikko' napare' kalenna.

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PAMMUJI 9:15

sollangku mammuji ri Katte ri dallekanna pandudu' Yerusalem. Lakkio'-kiokka' ma'rannu-rannu lanri Kipasalamakka'.

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

KATO'BA 10:8

Inai angngeke kali'bong, kalenna latu'guru' antama; inai anrumbang tembo' lanitottoki ri ulara' a'racung.

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.