PANGNGEBARANG 26:25 - KITTA' MATANGKASA'

²⁵ Manna nasombere', teako patappakki; lanri kabirisanga angkoasai atinna.

PANGNGEBARANG 26:25 Iomraidhean Croise

NEHEMIA 6:2

Jari akkirimmi undangang Sanbalat siagang Gesyem ri nakke sollangku battu angngagangi ke'nanga sibuntulu' ri se'reang desa ri Ka'bung Ono. Mingka kuassengi angkana napa'boyanga' akkala' ero' nabalai ke'nanga.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 28:3

Teaki' tumpassia' assama siagang tu dorakaya, siagang tu a'gau' ja'dalaka. Sanna' sombere'na kana-kananna ke'nanga, mingka atinna lalang teai sipato' botto'na.

PANGNGEBARANG 23:7

Saba', lanakana, “Maeko angnganre; annombongko pole,” mingka sikontutojenna tena nakamma anjo lalang ri atinna. Te'nei ri bawana, mingka atinna maraengi.

PANGNGEBARANG 26:23

Sanrapang uring butta nisapu siagang pera', kammaminjo tau te'nea ri bawana, mingka ja'dalaki atinna.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

MATIUS 24:23

Anjo wattua, punna nia' tau angkana ri kau, ‘Ciniki, niaki anrinni Karaeng Mappasalamaka!’ yareka nakana, ‘Niaki anjoreng!’ – teako tappakki ri anjo taua.

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”