PANGNGEBARANG 26:21 - KITTA' MATANGKASA'

²¹ Sanrapang cumika siagang kayua tuli amparinrai pepeka; kammaminjo tau pabesereka sanrapangi tau attunu.

PANGNGEBARANG 26:21 Iomraidhean Croise

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

1 KARAENG-KARAENG 12:20

Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

PAMMUJI 120:4

Iamintu ana' pana cidu'na sitaua tubarani, siagang bara pepe' a'rinra-rinraya!

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 29:22

Tau lintaka larro napa'jari taua jai a'besere' siagang doraka.

PANGNGEBARANG 30:33

Saba', punna appasileokko dadi', langgappako mantega. Punna nutunrung ka'murunna taua, assuluki cera'na. Punna appaumbako kalarroang, antamakko lalang ri pa'beseranga.