PANGNGEBARANG 26:2 - KITTA' MATANGKASA'

² Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

PANGNGEBARANG 26:2 Iomraidhean Croise

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

2 SAMUEL 16:8

Ikaumi le'ba' anrampasaki kakaraenganna Saul! Kamma-kamma anne nihukkungko ri Batara lanri jaina bija pammanakanna Saul nubuno. Napassareammi Batara kakaraengannu mae ri Absalom ana'nu. Kamma-kamma anne poro ancuru' lalo mako, he ikau pabuno tau!”

NEHEMIA 13:2

nasaba' ri wattunna Israel lalang pa'jappang assulu' battu ri Mesir, anne ruaya bansa taerokai assare kanre siagang je'ne' ri anjo bansaya. Ba'lalo nagajimi ke'nanga Bileam untu' antunrai bansa Israel, mingka Allata'alata napinrai anjo pattunraya a'jari barakka'.’

PAMMUJI 109:28

Manna pole natunraia' ke'nanga, poro iKatte ambarakkakia'. Manna pole ambangung ke'nanga, lanipakasiriki ke'nanga; mingka poro inakke, atanTa, Kipakarannua'.

PANGNGEBARANG 27:8

Tau ambokoiyai balla'na, sanrapang jangang-jangang ambokoi ru'munna.

YESAYA 16:2

Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.

PAMMILANGNGANG 23:8

Maka akkullea' attunra, punna tena Nattunra Allata'ala? Maka akkullea' anghukkungi taua, punna tena naKalenNa Batara anghukkung?

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.