PANGNGEBARANG 24:15 - KITTA' MATANGKASA'

¹⁵ Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

PANGNGEBARANG 24:15 Iomraidhean Croise

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

PAMMUJI 37:32

Tu bajika niodoki ri tu ja'dalaka a'boyai kasampatang untu' ambunoi.

PAMMUJI 56:6

Sila'busu' alloi musua angkacoi parkaraku tulusu' usahana ke'nanga ero' ancilakaia'.

PAMMUJI 59:3

Kilappassanga' battu ri tau a'gau' ja'dalaka, pakabella' battu ri tau pabunoa.

PANGNGEBARANG 1:11

Ebara' nakana ke'nanga, “Umba, ki'lampa mange a'boya tau nampa niborongi. Sollanna nia' nigaukang, umba naniba'ji tau tenaya salana.

PANGNGEBARANG 22:28

Tea sikaliko appalessoki pa'baeng-baeng butta, ia le'bakamo napattantu boe-boenu.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

MATIUS 26:4

A'bicarami siagang a'boyami akkala' ke'nanga, antekamma nakkulle najakkala' cokko-cokko Isa, nampa nabuno.

LAMPA-LAMPANA 23:16

Mingka nalangngere'mi kamanakanna Paulus anjo eroka lanagaukang ke'nanga. Jari a'lampami anjo kamanakanna Paulus ampauangi anjo kabaraka mae ri Paulus ri kantoro' tantaraya.

LAMPA-LAMPANA 25:3

siagang napala'mi ke'nanga pa'mai' baji'na, sollanna ero' assuro erangi Paulus mange ri Yerusalem; nasaba' le'ba'mi assikongkolo' ke'nanga ero' ambunoi Paulus ri tangngana aganga.

LAMPA-LAMPANA 9:24

Mingka naassemmi Saulus anjo apa eroka nagaukang ke'nanga. Allo bangngimi ke'nanga attayang ri pakke'bu' lompona kotaya, ero' ambunoi Saulus.