PANGNGEBARANG 24:12 - KITTA' MATANGKASA'

¹² Akkulle jako angkana, “Anjo teai urusangku.” Mingka Najannangngiko Allata'ala. Naassengi siagang Naadeli pikkirannu. Nabalasaki rupataua situru' panggaukanna.

PANGNGEBARANG 24:12 Iomraidhean Croise

AYUB 34:11

Nahukkungi taua situru' panggaukanna, Nagauki taua situru' gau'na.

PAMMUJI 121:3

Tena nalaNabalang parekangko tu'guru', tuli Najagaiko pajaganu.

PAMMUJI 121:8

Ia anjagaiko ri wattu battunu siagang a'lampanu, anne kamma siagang satunggu-tungguna.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

PAMMUJI 66:9

Najagaimi ikambe sollanna tulusu' attallasa' ikambe, siagang tena nabalang parekangi tu'guru' ikambe.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

PAMMUJI 94:9

Allata'ala appare' toli, maka tenaka Nallangngere'? Ia appare' mata, maka tenaka Naccini'?

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

PANGNGEBARANG 16:2

Tunggala' panggaukanna taua nakulle kapang bajiki ri paccini' kalenna, mingka Batara angnganggaraki ero' pa'mai'na.

PANGNGEBARANG 21:2

Tunggala' panggaukanna taua nakanai baji' ri paccini' kalenna, mingka Batara angngassengi nakaerokia pa'mai'na.

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

KATO'BA 5:8

Ba'lalo manna karaenga tanjeng tongi mae ri wassele' kattoa.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

PIRAUNG 3:36

lanri nitunggengi kaadelanga, mattantu Naassengi siagang Naparhatikangi Batara.

DANIEL 5:23

Kipakatinggi kalenta mae ri Batara niaka ri suruga siagang baraniki' ansuro erangi antama' mangko'-mangko' le'baka nirampasa' battu ri Balla'Na Batara. Nampa ikatte siagang sikamma tumalompota, sikamma bainenta siagang baine piarata angnginungi battu ri anjo mangko'-mangkoka. Ammuji-mujiki' mae ri rewata-rewata nipareka battu ri bulaeng, pera', tambaga, bassi, kayu siagang batu, iamintu rewata-rewata tenaya nakkulle accini' yareka allangngere' yareka ammahang apa-apa. Tena kipakalompoi Allata'ala ampattantuai tallasatta siagang mateta siagang ampattantuai oloang katallassanta.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

LAMPA-LAMPANA 17:28

Kamma biasaya napau taua angkana, ‘Akkulleki' nia', attallasa', siagang a'gio' ri anne linoa lanri kakoasanNa Allata'ala.’ Sangkamma tonji siagang apa napaua tu cara'de'nu, angkanaya, ‘Ikatte ngaseng, ana'-ana'Naki' Allata'ala.’

ROMA 2:16

Kammaminjo lakajarianga sallang ri allo le'bakamo nipattantu. Ri anjo alloa – situru' Kabara' Baji' kubirittakanga – laNaadeli Allata'ala lalang Isa Almasi rahasia atinna siagang rahasia pikkiranna sikontu rupataua.

ROMA 2:6

Nasaba' laNabalasaki Allata'ala mae ri taua situru' massing panggaukanna.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.