PANGNGEBARANG 23:10 - KITTA' MATANGKASA'

¹⁰ Tea sikaliko appaletteki pa'baeng-baeng butta sossorang yareka nuallei buttana ana' kukanga.

PANGNGEBARANG 23:10 Iomraidhean Croise

AYUB 22:9

Teai poro tenana bawang nutulungi sikamma jandaya, mingka ana' kukanga nujallakkang tongi.

AYUB 24:9

Tau ja'dalaka napa'jari atai ana' tenaya anrong manggena, na naalle ana' lolona tau kainranganga ri ia.

AYUB 6:27

Ba'lalo ana' kukanga nupaccampallekangi sarenna, agang baji'nu nujekkongi sollannu kalumanynyang.

PAMMUJI 94:6

Nabunoi jandaya siagang ana'-ana' kukanga na bansa maraeng ammantanga ri anne pa'rasanganga.

KALAPPASSANG 22:22

Teako bawang-bawangngangi jandaya yareka ana' kukanga.

PANGNGEBARANG 15:25

LaNarumbangi Batara balla'na tau tinggi langgaya, mingka laNajagai buttana sitaua janda.

PANGNGEBARANG 22:28

Tea sikaliko appalessoki pa'baeng-baeng butta, ia le'bakamo napattantu boe-boenu.

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YEREMIA 7:5

Pinrai katallassannu siagang panggaukannu. Adelekko tasse're-se're tau mae ri parannu tau.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

ZAKHARIA 7:10

Teako jallakkangi sikamma jandaya, ana'-ana' kukanga, bansa maraeng battua ammantang ri tangnga-tangnganu, yareka inai-nai mamo niaka lalang kasusaang. Siagang tea tongko appareki rancana ja'dala' mae ri parannu tau.’

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAOLE 19:14

“Punna battu mako mange ri pa'rasangang Napassareanga Karaeng Allata'alanu mae ri kau, teako paletteki garisi'-garisi' pa'baeng-baenna buttana siampi' balla'nu le'baka nipattantu riolo.”

PAOLE 27:17

‘Nitunrai tau ampalessokai garisi' pa'baeng-baenna buttana siampi' balla'na.’ ‘Aming!’

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.