PANGNGEBARANG 22:5 - KITTA' MATANGKASA'

⁵ Sikkoka siagang tadoka niaki ri oloanna tau jekkonga, liliang ngasengi anjo sikammaya, punna erokko salama'.

PANGNGEBARANG 22:5 Iomraidhean Croise

AYUB 18:8

A'jappai lalang sikko', takkai'mi bangkenna.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PANGNGEBARANG 13:15

Tau bajika akkala'na lanipalecei; tau tenaya nipatappaki lasusai tallasa'na.

PANGNGEBARANG 13:3

Tau tenaya natutu ri kana-kananna tena nalaamang ri tallasa'na; tau a'bicara sambaranga lanatujui kacilakang.

PANGNGEBARANG 15:19

Tau malasaka tuli lanakasiaki kasukkaranga; tau lambusuka tammuntulai kasukkarang.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

YOSUA 23:13

u'rangi, angkanaya mattantu tenamo nalaNabongkai Karaeng Allata'alanu anjo bansa-bansaya untu' ikau ngaseng. Kabalekanna, la'jari bahaya lompoi anjo ke'nanga mae ri kau, nasaba' anjo ke'nanga la'jari sanrapang sikko' yareka tado' tattannanga untu' ikau. Nampa lanapa'jari sessa tongko ke'nanga; nasaba' anjo ke'nanga la'jari sanrapang paccambo' mae ri dongko'nu yareka sanrapang katinting lalang ri matannu. Tulusu' lasessako sa'genna manna sitau battu ri kau tania' lammantang tassesa ri anne pa'rasangang baji' Napassareanga Karaeng Allata'alanu mae ri kau.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.