PANGNGEBARANG 21:8 - KITTA' MATANGKASA'

⁸ Tau salaya, a'lekko-lekkoi oloanna; tau bajika tuli lambusuki tallasa'na.

PANGNGEBARANG 21:8 Iomraidhean Croise

PA'JARIANG 6:12

Nacinikimi Allata'ala anjo linoa, na sangnging kaja'dallang mami Nacini', lanri sikamma rupataua ja'dala' ngasemmi lalang tallasa'na.

PANGNGEBARANG 15:26

Birisiki Batara ri rancana ja'dalaka; mingka kana-kana bajika napakasannangi pa'mai'Na.

PANGNGEBARANG 2:15

Kodi sipaki siagang jekkongi ke'nanga lalang tallasa'na.

PANGNGEBARANG 21:9

La'bi sannangi taua ammantang ri panyingkulu'na lotenga kala assiballaka siagang baine pabesereka.

PANGNGEBARANG 30:12

Nia' tau nakanai kalenna tangkasa' na sitojenna sanna' rantasa'na.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

KATO'BA 9:3

Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

YESAYA 26:7

Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

YESAYA 59:8

Tena nuusahai passiamakkanga, siagang sikontu panggaukannu tena ngaseng naadele'. A'lekko-lekkoi batenu a'jappa, siagang tena nalamate'ne tau amminawanga ri anjo oloanga.

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

MATIUS 12:33

“Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

MATIUS 5:8

Mate'nei tau lambusu' pa'maika; nasaba' iami langngassengi Allata'ala!

LAMPA-LAMPANA 15:9

Tena Napasimmara'-maraengki' Allata'ala siagang ke'nanga. Natangkasi atinna ke'nanga, lanri tappa'na ke'nanga.

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

TITUS 1:15

Sikontu apa-apaya tangkasa' ngasengi mae ri tau tangkasaka. Mingka mae ri tau ra'masaka pikkiranna siagang tau tenaya natappa' tena sikali apa-apa matangkasa', nasaba' ra'masa'namo pikkiranna siagang ati mailalanna ke'nanga!

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.