PANGNGEBARANG 20:3 - KITTA' MATANGKASA'

³ Tau toloaji bawang nangai a'besereka; sipa' nipujia iamintu mabellaya battu ri pa'beseranga.

PANGNGEBARANG 20:3 Iomraidhean Croise

PA'JARIANG 13:7

A'besere'mi sikamma pakalawakinna Abram siagang sikamma pakalawakinna Lot. (Anjo wattua nia' iji tu Kanaan siagang tu Feris ammantang anjoreng ri pa'rasanganga.)

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

2 KARAENG-KARAENG 14:9

Mingka appikatumi pappiali Karaeng Yoas kamma anne, “Nia' se're wattu sallang nakkiring kabara' katinting rompoka ri Pa'bulukanna Libanon mae ri poko' camaraya angkana, ‘He poko' camara, passareangi ana' tulolonnu mae ri anakku untu' a'jari bainenna.’ Mingka ribokoanganna nia'mo ammalo anjoreng sikayu olo'-olo' battu ri romanga angngonjo'-onjokangi anjo katinting rompoka.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 18:6

Punna a'bicara tau toloa, appaumbai pa'beserang siagang eroki niajara'.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

PANGNGEBARANG 26:17

Tau ampantamakai kalenna ri pa'beserang teaiya urusanna sanrapangi tau anjakkalaka kongkong liara' ri tolinna.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

YAKOBUS 3:14

Mingka punna pakimburuko, punna pa'risi' pa'mai'nu, siagang punna kaparalluang kalennu bawang nuondang, tea' mako pattampo-tampoangi anjo kacara'dekannu, nasaba' punna kamma anjo nuputara'-bale'mi biritta katojengang battua ri Allata'ala.

YAKOBUS 4:1

Battu kemae assala'na passiba'jianga siagang pa'beseranga ri tangnga-tangnganu? Sai battu ri sikamma cinna tuli a'besereka lalang ri kalennu untu' anggappai kasannangang linoa.