PANGNGEBARANG 20:1 - KITTA' MATANGKASA'

¹ Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

PANGNGEBARANG 20:1 Iomraidhean Croise

2 SAMUEL 11:13

Jari angnganremi siagang nipainummi jai-jai sa'genna nasa'ring. Mingka anjo bangngia tena tongija nammotere' Uria mange ri balla'na, passangalinna attinroi a'lapara' kalimbu' ilalang ri bili'na pangawala'na balla' kakaraenganga.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

PANGNGEBARANG 23:20

Teako sileporangi siagang painunga siagang tau angngoaya,

PANGNGEBARANG 31:4

U'rangi anne Lemuel! Angnginung anggoro' siagang cinna dudua ri inungang terasa', tena nasiratang mae ri pamarentaya.

YESAYA 28:7

Kammayatompa sikamma na'bia siagang imang-imanga nasa'ring tongi, lanri jai duduna anggoro' siagang inungang terasa' nainung ke'nanga. Ta'royong-royongi jappana ke'nanga siagang tatto'ro-to'roi lanri tenana nasilolongang pikkiranna. Na'bi-na'bia takkulleai napahang sikamma pangngunju' Nipappicinikanga mae ri ke'nanga battu ri Allata'ala. Sikamma imanga tena tommo nakkulle natappuki sikamma parkara nieranga mae ri dallekanna ke'nanga.

YESAYA 5:11

Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

YESAYA 5:22

Cilakako kau tuporea angnginung anggoro'! Baraniko siagang hebakko punna accampurukko inungang terasa'!

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

HOSEA 7:5

Ri allo passua'-suarranna karaenga, napainungi ke'nanga karaenna siagang sikamma pagawe-pagawena karaenga sa'genna nasa'ring siagang nagaukang katoloanga. Kale'bakkanna assannang-sannammi karaenga siagang sikamma anjo tau a'bali' ballanga.

KAIMANGNGANG 10:9

“Punna le'bakko angnginung je'ne' anggoro' yareka inungang terasa', ikau siagang ana'-ana'nu takkulleako antama' ri KemaKu. Punna nudakkai anjo paratoranga, lamateko. Anjo parentaya musti naturuki sikontu jari-jarinu.

HABAKUK 2:5

Anjo kakalumanynyanganga tuli appa'dongo'-dongoki. Anjo tau angngoaya tampoi siagang lussaki. Rapang kamateang, tena todong nale'ba' sukku' nasa'ring; tasse're-se're bansa naallei nakammai.

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.