PANGNGEBARANG 2:6 - KITTA' MATANGKASA'

⁶ Batarami assare kacara'dekang; battu ri Iami rupataua anggappa pangngassengang siagang pammahang.

PANGNGEBARANG 2:6 Iomraidhean Croise

1 KARAENG-KARAENG 10:24

Sikontu taua ri sikontu linoa usahai untu' angngagangi assibuntulu' Salomo untu' ampilangngeri pangngajara' pangngassengang mabajika, ia nisareangiai ri Allata'ala.

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

1 KARAENG-KARAENG 4:29

Nisaremi pangngassengang mabaji' Salomo ri Allata'ala, siagang pangngassengang la'bi nabiasaya, kammayatompa pammahang lantang sikalia.

1 PATTOTTORANG 22:12

Na poro Nasareko Karaeng Allata'alanu kacara'dekang siagang pangngassengang untu' ammarenta ri Israel situru' hukkung-hukkunNa.

EZRA 7:25

Sari'battang Ezra, pa'matu-matui kacara'dekang Napassareanga Allata'ala mae ri kau, siagang angngangkakko siapa are pamimping siagang haking-haking untu' ammarenta ri sikontu taua ri propinsi Efrat bageang ilau', ia attallasaka situru' HukkunNa Allata'alanu. Parallui nupangngajarrang anjo hukkunga mae ri sikontu tau tenayapa naassengi.

NEHEMIA 7:5

Lanri kammana, nasungkemi Allata'ala pikkirangku untu' ampa'rappungangi sikontu ra'yaka, sikamma tutoa-toana kammayatompa sikontu pamimpinna ke'nanga, sollanna akkulle kubilang ke'nanga situru' dattara' pattottoranna ke'nanga. Lalang anjo kasampatanga kubuntulu'mi catatanna sikamma tau uru-uru ammotereka battu ri pa'rasangang pammelakkanga. Iaminne kasingaranna anjo catatang kugappaya:

AYUB 12:16

Anjo Allata'ala gassingi, kassaki siagang porei! Lapung patipu siagang nitipua nia' ngasengi ri kakoasanNa.

AYUB 22:22

Tarimai apa Napangngajarranga Batara mae ri kau; boli' ngasengi anjo lalang ri pa'mai'nu.

AYUB 32:8

Mingka assarea kacara'dekang mae ri rupataua, RohNa bawang Allata'ala Kaminang Koasaya.

PAMMUJI 119:104

Hukkung-hukkunTa nasarea' pangngassengang, sa'genna kukabirisi panggaukang jekkonga.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 119:98

Tuli mangngu'rangia' ri parentaTa, ampa'jaria' la'bi cara'dekangngang kala musu-musungku.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 19:8

Anjo hukkunNa Batara sukku' ganna'na, napakabajiki pakkasia'na nyawaya. ParentaNa Batara akkullei nipatappa' assare kacara'dekang mae ri tu biasaya.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

PAMMUJI 94:10

Ia angngajaraki bansa-bansaya, maka tenaka Nahukkungi taua? Ia a'jari guru mae ri sikontu taua, maka tena pangngassenganNa?

KALAPPASSANG 31:3

siagang Kusaremi kakoasang. Kusarei pangngassengang, kacara'dekang siagang pakkulle mae ri sangka' rupaya kacara'dekang:

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.