PANGNGEBARANG 2:12 - KITTA' MATANGKASA'

¹² kammayatompa lanapisangkaiko anturuki batena tau tenaya nabaji' batena attallasa', kammayatompa nupakabellai kalennu battu ri sikamma tau ja'dalaka bawana.

PANGNGEBARANG 2:12 Iomraidhean Croise

PAMMUJI 101:4

Taeroka' a'gau' jekkong siagang taeroka' ampantamaki kalengku ri kaja'dallanga.

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 23:33

Amminroi paccini'nu, tena silolongang pikkirannu siagang pitikana-kanai bawanu.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 6:12

Tau ja'dalaka siagang tau kurangajaraka a'la'bangi a'balle-balle.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.