PANGNGEBARANG 19:21 - KITTA' MATANGKASA'

²¹ Rupataua jai rancanana, mingka kaputusanNa bawang Batara a'jari.

PANGNGEBARANG 19:21 Iomraidhean Croise

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

PAMMUJI 21:11

Tena latassesa battu ri turunganna ke'nanga, lanitumpasa' ngasengi ke'nanga ri karaenga.

PAMMUJI 83:4

Appareki rancana cara'de' untu' angngewai ummatTa; assikongkoloki ke'nanga angngewai sikamma tau Kijagaia.

PANGNGEBARANG 12:2

Tau bajika ningai ri Batara, mingka tau a'rancanga kaja'dallang langgappai hukkungang.

PANGNGEBARANG 16:1

Rupataua akkullei appare' rancana, mingka Allata'ala assare kaputusang.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PANGNGEBARANG 19:22

Sipa' nitayanga battu ri se'rea tau iamintu tamamminrana. Bajikangngangi kasi-asia kala a'jari paballe-ballea.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

YESAYA 14:24

Assumpai Batara Kaminang Makoasaya angkana: “Ia le'baka Kurancanakang mattantu lakajariangi.

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YEREMIA 44:29

LappabattuA' cilaka mae ri kau ri tampaka anne untu' ampa'butti mae ri kau angkanaya anjo hukkungang Kurancanakanga untu' ikau, kajariang tojeng-tojengi.

YEHEZKIEL 20:32

Erokko ampasangkammai bansa-bansa maraenga siagang pandudu'na pa'rasangang-pa'rasangang maraenga anynyomba poko' kayu siagang batu. Mingka anjo ero'nu tena nala'rupa.’ ”

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.