PANGNGEBARANG 19:13 - KITTA' MATANGKASA'

¹³ Ana' toloa akkullei napanraki manggena. Baine nangaia a'moro-moro sanrapangi je'ne' tenaya nammari-mari ammatti'.

PANGNGEBARANG 19:13 Iomraidhean Croise

AYUB 14:19

Batu-batua lanikekkeseki ri je'ne' a'lo'loro' sarringa; buttaya lanilo'lorangi ri bosi sarroa. Kammaminjo Kiancuru'na panrannuanna rupataua.

PANGNGEBARANG 10:1

Iaminne sikamma pappakainga'na Salomo: Ana' cara'deka iami nakalompoang pa'maika manggena; ana' toloa napakasusai pa'mai'na amma'na.

PANGNGEBARANG 15:20

Ana' cara'deka, napakasannangi pa'mai'na manggena; ana' toloa tanapakala'birai amma'na.

PANGNGEBARANG 17:17

Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

PANGNGEBARANG 17:21

Anggappaya ana' tolo, sangkammami anggappaya si'na; a'jari mangge ri ana' tolo, tena nangngerang karannuang.

PANGNGEBARANG 17:25

Ana' toloa nasusai manggena, siagang napakasi'nai pa'mai'na amma'na.

PANGNGEBARANG 21:19

Bajikangngangi ammantanga ri parang luaraka, kala sipammantangnganga siagang baine nangaia a'moro-moro siagang a'larro-larro.

PANGNGEBARANG 21:9

La'bi sannangi taua ammantang ri panyingkulu'na lotenga kala assiballaka siagang baine pabesereka.

PANGNGEBARANG 25:24

Bajikangngangi ammantanga ri panyingkulu' lotenna ballaka, kala assiballaka siagang baine pa'beseranga.

PANGNGEBARANG 27:15

Turiballa' pa'beseranga sanrapangi sa'ra bosi turunga sila'busu' allo.