PANGNGEBARANG 19:11 - KITTA' MATANGKASA'

¹¹ Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 19:11 Iomraidhean Croise

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

PANGNGEBARANG 11:13

Tau appa'la'banga kabara' anging takkulleai anna'gala' rahasia, mingka tau nipatappaka akkullei narahasiakang parkaraya.

PANGNGEBARANG 12:16

Punna kasi'rikang tau toloa, anjo wattua napau memammi pa'risi' pa'mai'na; mingka tau cara'deka tanapaduliai punna nicallai.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 20:3

Tau toloaji bawang nangai a'besereka; sipa' nipujia iamintu mabellaya battu ri pa'beseranga.

PANGNGEBARANG 25:21

Punna cipuru' musunnu, sarei kanre; punna turerei, sarei angnginung.

PANGNGEBARANG 29:11

Tau toloa napappicini'-cinikangi larrona, mingka tau cara'deka sa'baraki siagang natahangi larrona.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.