PANGNGEBARANG 17:2 - KITTA' MATANGKASA'

² Ata cara'deka lakoasai mae ri ana' appakasirika; na lannarima warisi' siagang sikamma sari'battanna anjo anaka.

PANGNGEBARANG 17:2 Iomraidhean Croise

PANGNGEBARANG 10:5

Tau cara'deka appa'rappungi kattoang punna narapi' wattunna, mingka tau attinroa bawang ri wattu pakkattoanga, lanapakasiriki kalenna.

PANGNGEBARANG 11:29

Tau ampakasusayai pakkalabinianna, latappelaki sikontu apa-apanna. Tau toloa lanalayani tau cara'deka.

PANGNGEBARANG 14:35

Sannangi pa'mai'na karaenga mae ri pagawe cara'deka; mingka larroi mae ri pagawe tenaya nakkulle ampajappai tugasa'na.

PANGNGEBARANG 17:1

Bajikangngangi sisoang bawang kanre assala' amangi kala kanre nyamang alla'bi natuli nia' pa'beserang.

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

PANGNGEBARANG 19:26

Ana' assessayai siagang ambongkayai tau toana, iami ana' appakasiri' siagang nicalla.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

KATO'BA 4:13

Tu kasi-asia akkullei a'jari karaeng, siagang se'rea tu nitahang akkullei a'lette' nai' ri empoang kakaraenganga. Mingka punna nia' karaeng toamo umuru'na sanna' tolona annarima pappakainga', la'bi kodiangngammi sarenna na turungka kasi-asia mingka cara'deki.