PANGNGEBARANG 16:21 - KITTA' MATANGKASA'

²¹ Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 16:21 Iomraidhean Croise

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PANGNGEBARANG 10:13

Tau taranga pikkiranna, kana-kana cara'de' napasulu'; tau toloa parallui nicambo'.

PANGNGEBARANG 10:23

Tau dongoka nangai appanggaukang salaya; tau cara'deka nangai a'boya kacara'dekang.

PANGNGEBARANG 10:8

Tau cara'deka, nangai annarima pappasaile; tau dongoka ri bicaranna lalingui.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 16:22

Kacara'dekanga iami kabattuanna mate'nena tallasa'na tau bajika akkala'na; tau toloa nisessai ri katoloang kalenna.

PANGNGEBARANG 23:15

Ana', sannang sikalia' punna cara'dekko.

PANGNGEBARANG 27:9

Sanrapang minynya'-minynyaka siagang bau'-baukanga appakasannangi pa'mai', kammaminjo kabajikanna aganga appakamalei nyawa.

KATO'BA 12:10

Nausahaimi a'boya kana-kana panynyaleori, na anjo kana-kana natulisika ma'nassa lambusuki.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

ROMA 16:19

Naasseng ngasemmi taua angkanaya tamalanreako mae ri pangngajarang Kabara' Baji' battua ri Allata'ala. Na sannammo pa'maikku mae ri kau ngaseng lanri anjo passalaka. Kuminasai sollannu cara'de' mae ri apa-apa bajika, na nudongo' mae ri apa-apa ja'dalaka.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.