PANGNGEBARANG 16:12 - KITTA' MATANGKASA'

¹² Mae ri tukoasaya, nikanaya a'gau' ja'dala' iami karantassang, saba' jarreki pamarentahanna lanri kaadelang.

PANGNGEBARANG 16:12 Iomraidhean Croise

2 PATTOTTORANG 17:5

Nasarei Batara Yosafat empoang kassa' salaku karaeng Yehuda. Sikontu ra'yaka assare kabusuki hadia mae ri ia nampa a'jari kalumanynyammo siagang nipakalompoi ri taua.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PANGNGEBARANG 16:13

Kasa'biang annabaya napakasannangi pa'mai'na tukoasaya, nakamaseangi tau a'bicara lambusuka.

PANGNGEBARANG 20:18

Rancanaya a'jari lanri tangara'; lanri kammana anjo, teako appattujuangi punna tena rancana baji'.

PANGNGEBARANG 25:5

Pakabellai sikamma pappakainga' ja'dalaka battu ri balla' lompoa, nampami jarre' pamarentahanga lanri kaadelang.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

PANGNGEBARANG 29:14

Punna naalleangangngang karaeng ha'na tau lammaya, lattaung-taungi lammarenta.

PANGNGEBARANG 29:4

Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

LUKAS 12:48

Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

PAOLE 25:16

Birisiki Karaeng Allata'alanu mae ri tau nangaia annipu.”

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.