PANGNGEBARANG 15:8 - KITTA' MATANGKASA'

⁸ Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 15:8 Iomraidhean Croise

2 SAMUEL 15:12

Nampa lalang assarena Absalom koro'bang, akkiring tommi tunisuro mange ri kota Gilo untu' angkioki Ahitofel, iamintu tumailalanna Karaeng Daud. Kammaminjo passikongkolanga napila' kassa'mo ero' angngewai karaenga, siagang pila' jaimi tau amminawang ri Absalom.

1 KARAENG-KARAENG 3:10

Batara sannangi ri anjo pappala'na Salomo

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

PAMMUJI 17:1

Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.

PANGNGEBARANG 10:24

Tau te'nea pa'mai'na lanagappai apa nakaerokia; tau ja'dalaka nagappai apa kaminang nakamallakkanga.

PANGNGEBARANG 15:29

Napilangngeri Batara punna appala' doang tau bajika, mingka tena najampangi tau dorakaya.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

KELONG MALA'BIRI' 2:14

O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

DANIEL 9:23

Ri wattunnu appakkaramula appala' mae ri Allata'ala, appialimi. Battua' anne ampabattuangko lanri Nakamaseangko Allata'ala. Jari pilangngerimi baji'-baji' nakupakasingara' battuanna anjo apa nucinika.

KAIMANGNGANG 7:18

Mingka punna ri makatalluna alloa na nikanre ija anjo dagenga, tenamo nalanitarima anjo koro'banga siagang tenamo nalangngerang barakka' mae ri kalenna anjo tau angngeranga koro'bang, ba'lalo a'jari harammi. Inai-nai angkanrei, salai anjo taua, siagang musti natanggongi kodina.

MIKHA 6:6

Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?

MIKHA 6:7

Apaka lasannangi Batara punna angngerangki' mae ri Ia assa'bu-sa'bu gimbala' yareka alla'bi-la'bi minynya' zaitun? Mustika nipassareangi mae ri Ia ana' bungasatta salaku pannangkasi mae ri dosa-dosata?

HAGAI 2:14

Nampa akkuta'nang pole Hagai angkana, “Napaui Batara angkanaya anjo paratoranga tappake tongi mae ri umma' Israel anrinni ri pa'rasanganga siagang mae ri kabusu'na alle polena ke'nanga. Jari, apa napassareanga ke'nanga ri anne tampa' pakkoro'bangnganga ra'masaki.”

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

YOHANES 4:24

Nasaba' Roh anjo Allata'ala, jari lanri koasa RohNa Allata'ala bawang nakkulle anynyomba rupataua mae ri Manggea salaku Allata'ala matojenga.”