PANGNGEBARANG 13:9 - KITTA' MATANGKASA'

⁹ Tau bajika sanrapangi caya sannaka singara'na; tau ja'dalaka sanrapangi lampu matea.

PANGNGEBARANG 13:9 Iomraidhean Croise

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

AYUB 21:17

Le'bakkai nibuno kanjolina tau ja'dalaka, siagang nituju ri bala siagang kacilakang? Le'bakkai Allata'ala larro mae ri ke'nanga, sa'genna nihukkung ke'nanga?

AYUB 29:3

Tuli Nasarea' pannulung, Nasingaria' ri wattungku a'jappa lalang ri sassang.

PAMMUJI 112:4

Accayai singaraka lalang ri sassanga mae ri tau lambusuka, mae ri tau adeleka, mangngamaseanga siagang manynyayanga.

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PANGNGEBARANG 13:8

Tau kalumanynyanga musti appasuluki doe' sollanna amang tallasa'na; mingka tau kasi-asia nipakabellai battu ri balaya.

PANGNGEBARANG 20:20

Tau antunrayai tau toana, lalanynyaki tallasa'na sanrapang lampu matea ri wattu bangngi sassanga.

PANGNGEBARANG 24:20

Tau ja'dalaka tena allo ri bokona siagang tena panrannuanna.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YEHEZKIEL 32:7

Ri wattunnu Kupanraki, langika laKubomboki, siagang sikamma bintoenga laKupa'jari matei rinrana. LaKucokkoi mataalloa ribokona rammanga siagang bulanga tenamo naccaya.

PAMMILANGNGANG 27:4

Mingka angngapa namusti tappela' arenna battu ri bansa Israel lanri tenanaja bawang ana'na bura'ne? Sare tongi ikambe butta pisaka sangkamma siagang bija pammanakanna manggena ikambe maraenga.”

MATIUS 22:13

Nakanamo anjo Karaenga mae ri pala'-palayanna, ‘Sikkoki bangkenna siagang limanna anne taua nampa nupela' assulukang ri pammantangang sassanga. Anjoremmi langngarru'-arru' siagang lanakasia' sessaya.’ ”

MATIUS 25:8

Nakanamo anjo tulolo toloa mae ri tulolo cara'deka, ‘Sare tongki' minynya' tananu sike'de', kaikatte lamatemi rinrana sulota.’