PANGNGEBARANG 12:6 - KITTA' MATANGKASA'

⁶ Kana-kananna tau ja'dalaka ammunoi; kana-kananna tau lambusuka appasalamaki.

PANGNGEBARANG 12:6 Iomraidhean Croise

PANGNGEBARANG 12:5

Tau lambusuka nanawa-nawai apa-apa bajika; tau ja'dalaka annipua narancana.

PANGNGEBARANG 14:3

Lanri tampona, nangai napakatinggi kalenna tau dongoka; tau cara'deka lanila'langi ri kana-kananna tonji.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

YEREMIA 5:26

He ummakKu, nia' ri alla'nu tau ja'dala'. Sanrapang tau attayanga sikko' natannang untu' anjakkala' jangang-jangang, kamma tomminjo ke'nanga attannangi sikko' untu' anjakkalaki taua.

LAMPA-LAMPANA 23:12

Ammukona ri subu-subua, appakkaramulami assikongkolo' tu Yahudia. Assumpami ke'nanga angkana talangnganreai siagang talangnginungai ke'nanga punna tanabunoapi Paulus.

LAMPA-LAMPANA 23:15

Jari, akkiring maki' sura' siagang anggota-anggota Pangadelang Agamaya mae ri anjo komandang pasukanna tantara Romaya. Kipalaki ri anjo komandanga sollanna naerang pole Paulus ri pangadelang agamaya, sangkamma eroki kiparessa baji'-baji' ammotere' parkarana. Nampa sadia memang ikambe ambunoi ilalang tenanapa nanrapi' mae anrinni.”

LAMPA-LAMPANA 25:3

siagang napala'mi ke'nanga pa'mai' baji'na, sollanna ero' assuro erangi Paulus mange ri Yerusalem; nasaba' le'ba'mi assikongkolo' ke'nanga ero' ambunoi Paulus ri tangngana aganga.