PANGNGEBARANG 12:21 - KITTA' MATANGKASA'

²¹ Tau bajika talanatujuai bala; tau ja'dalaka tuli lanatujui susa.

PANGNGEBARANG 12:21 Iomraidhean Croise

PAMMUJI 121:7

LaNajagaiko Batara battu ri bahayaya, laNajagaiko sollanna salama' tallasa'nu.

PAMMUJI 91:10

Natalanatabayako bala, balla'nu talanitujuai ri bala lompo.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 12:20

Tau nangaia a'rancana kaja'dallang nangai tenaya naadele'; tau angngusahaya kabajikang lamate'nei.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

KATO'BA 7:18

Liliangi anjo ruaya sumpadeng. Punna mallakki' ri Allata'ala, mattantu labajiki wasseletta.

KATO'BA 8:5

Tau mannurukia ri ia, laamangi na salewangang; tau cara'deka naassengi angkana ringngapanna siagang antekamma carana mannurukia ri karaenga.

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

1 PETRUS 3:13

Inaika ero' a'gau' ja'dala' mae ri kau, punna nungai a'gau' bajika?

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.