PANGNGEBARANG 12:10 - KITTA' MATANGKASA'

¹⁰ Tau bajika naparhatikangi olo'-olo' piarana; mingka tau ja'dalaka nasessai.

PANGNGEBARANG 12:10 Iomraidhean Croise

PANGNGEBARANG 12:9

Bajikangngangi a'jari ra'ya' ca'di niaka jama-jamanna, kala assipa' kamma tau malompo nakakurangang ri kanre.

YESAYA 36:17

sa'gennu kupalette' mange ri pa'rasangang eroka sangkamma pa'rasangang kalennu. Anjoreng nia' koko anggoro' jaia wassele'na untu' ikau, siagang koko gandung assarea wassele' labu' untu' a'jari kanrenu.

YOHANES 4:11

Nakanamo anjo bainea, “Tena se'rotTa tuang, siagang anne bungunga teai sipato' lantanna. Battu kemaeKi' akkulle langgappa je'ne' katallassang?

1 KORINTUS 9:9

Lalang ri Kitta' Musa nia' tattulisi' kammaya anne, “Teako jempangi bawana sapi masarroa nupake akkareso.” Maka sapia nataba anne kananNa Allata'ala?

PAOLE 25:4

Teako jempangi bawana sapi nupakea allessoro' gandung.”

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.

1 SAMUEL 11:2

Appialimi Nahas angkana, “Ero'ja' appare' parjanjiang, mingka anne sara'na, ‘Massing lakupasulu' ngasengi mata kanannu salaku pammatei nihinana ngaseng sikontu Israel.’ ”