PANGNGEBARANG 11:9 - KITTA' MATANGKASA'

⁹ Pa'bicaranna tau ja'dalaka ammanraki; kacara'dekanna tau bajika lappasalamaki.

PANGNGEBARANG 11:9 Iomraidhean Croise

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

AYUB 34:30

Na tanakulleamo bansa-bansaya untu' antahangi makoasa anjallakangi tau ja'dalaka.

AYUB 8:13

Kammaminjo tau tenaya Batarana. Nakaluppai Allata'ala, siagang tenamo panrannuanna.

PAMMUJI 55:12

Kemae-kemae nia' pangngancurang; panjallakkanga siagang pannipuanga a'la'bangi ri pasaraka.

PANGNGEBARANG 11:6

Tau lambusuka salamaki lanri te'nena pa'mai'na; tau tenaya nakkulle nipatappa', ta'loposoki lanri kangoanna.

PANGNGEBARANG 11:8

Tau bajika nipalili battu ri kasukkarranga; tau ja'dalaka anggappai salibanra.

PANGNGEBARANG 16:29

Tau sekkeka natipui bela-belana, na naerang ke'nanga antama ri bahayaya.

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

1 YOHANES 2:21

Jari kutulisiki anne suraka mae ri kau ngaseng teai lanri tenanapa nanuassengi pangngajarang tojenga, mingka ba'lalo lanri nuassennamo; siagang nuassenna tommo angkanaya anjo pangngajarang tojenga tale'bakai a'balle-balle.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.