PANGNGEBARANG 11:7 - KITTA' MATANGKASA'

⁷ Punna mate tau ja'dalaka, mate tommi panrannuanna; manrannuanga ri kale, tena matu-matunna.

PANGNGEBARANG 11:7 Iomraidhean Croise

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 146:4

Punna mate ke'nanga, ammotereki ke'nanga mae ri buttaya; anjo memang alloa nalanynya' ngasemmo rancanana ke'nanga.

PANGNGEBARANG 10:28

Panrannuanna tau bajika ampa'jari mate'nei; panrannuanna tau ja'dalaka tena sikali bonena.

PANGNGEBARANG 10:29

Batara anjagai tau lambusuka, mingka Napanraki tau a'gau' ja'dalaka.

PANGNGEBARANG 11:8

Tau bajika nipalili battu ri kasukkarranga; tau ja'dalaka anggappai salibanra.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

YEHEZKIEL 28:9

Jari, punna narapi'mo anjo wattua, maka akkulle ijako angkana angkanaya ikau Allata'alako? Ri dallekanna ngaseng sikamma tau ambunoako a'nassami angkanaya ikau tau biasa jako.