PANGNGEBARANG 11:17 - KITTA' MATANGKASA'

¹⁷ Tau baji' pa'maika napakaupaki kalenna; tau pallaka napakarugi kalenna.

PANGNGEBARANG 11:17 Iomraidhean Croise

MATIUS 5:7

Mate'nei tau mangngamaseanga ri paranna tau; nasaba' iami lanikamaseang todong ri Allata'ala!

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

FILIPI 4:17

Mingka tena nakukana tuli erokkuji bawang annarima passare. Ia kukaerokia, iamintu: sollanna akkulle kucini' sikamma wassele' akkullea antambai kaupakkannu.

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

LUKAS 6:38

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”

AYUB 20:16

Tau ja'dalaka langnginungi racung paerang bala, lamatei lanrinna, sanrapang tunikokko' ri ulara' a'racung.

PANGNGEBARANG 22:9

Tau baji' pa'maika nibarakkaki ri Batara, lanri nabagei dalleka siagang tau kakuranganga.