PANGNGEBARANG 11:11 - KITTA' MATANGKASA'

¹¹ Pangngellainna tau lambusuka ampakaga'gai kotaya; kana-kananna tau ja'dalaka ammanraki.

PANGNGEBARANG 11:11 Iomraidhean Croise

PA'JARIANG 45:8

Jari, teai passabakkang ikau ngaseng nakunia' anrinni, mingka passala' Allata'ala. Iami ampa'jaria' pagawe kaminang tinggi ri karaeng Mesir. Nisarema' koasa mae ri sikontu bone balla'na siagang mae ri sikontu pa'rasangang Mesir.

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

AYUB 22:30

LaNatulungko Allata'ala punna tena nusala, siagang punna nugaukang ero'Na.”

PANGNGEBARANG 11:10

Accayai kotaya punna anggappa dalle' tau lambusuka; akkio' rannui ra'yaka punna mate tau ja'dalaka.

PANGNGEBARANG 11:12

Anghinai tau maraenga, iami panggaukang dongo'; tau bajika akkala'na tena nalakkana-kana.

PANGNGEBARANG 14:34

Kaadelanga siagang kabajikanga naangkaki areng baji'na bansaya, mingka dosaya ampa'jari tunai bansaya.

PANGNGEBARANG 28:2

Punna doraka bansaya, assisambe-sambeangi pamarentana; punna cara'de' pamimpinga, lattahangi anjo bansaya siagang latuli kassaki.

PANGNGEBARANG 29:8

Tau pacalla-callaya akkullei nakaco kotaya, mingka tau cara'deka napakasannangi katallassanga.

KATO'BA 9:15

Ri anjo kotaya nia' se're tu kasi-asi mingka cara'deki. Akkullei napasalama' anjo kotaya. Mingka lanri kasi-asi, linta'mi nikaluppai jasana siagang tenamo manna sitau angngu'rangi.

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.