PANGNGEBARANG 10:2 - KITTA' MATANGKASA'

² Kakalumanynyangngang nigappaya battu ri akkala' salaya tena nangngerang kaupakkang; kabalekanna, kalambusanga lappasalamaki.

PANGNGEBARANG 10:2 Iomraidhean Croise

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

PANGNGEBARANG 12:28

Tau amminawanga ri oloang annabaya lamate'nei ri tallasa'na; tau amminawanga ri oloanna tau ja'dalaka lamangei ri matea.

PANGNGEBARANG 13:11

Kakalumanynyangngang lomo dudua gappanna, linta' tongi kurang; mingka barang-barang nipa'du'duka tassike'de'-tassike'de' lapila' katambangi.

PANGNGEBARANG 21:6

Kakalumanynyangngang nigappaya siagang tena lambusu' lintaki tappela' siagang naerangi taua mae ri kuburuka.

YEHEZKIEL 7:19

Bulaenga siagang peraka lanapelaki ke'nanga ri aganga rapang loro, nasaba' ri allo napa'bettese'na kalarroanNa Batara, anjo bulaenga siagang peraka takkulleai ampasalamaki ke'nanga, ba'lalo ia ngasemmi anjo angngerangi ke'nanga mae ri dosaya. Takkulleai napake ke'nanga untu' ampassukkuki cinnana yareka ambonei battanna ke'nanga.

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.