PANGNGEBARANG 1:5 - KITTA' MATANGKASA'

⁵ Lanri anne sikamma pappakaingaka namanna tau cara'deka lanatambai tongi pangngassenganna, kammayatompa tau niaka sikolana lanipimping tongi.

PANGNGEBARANG 1:5 Iomraidhean Croise

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

AYUB 34:10

He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 34:16

Jari, punna cara'dekko, parhatikangi, tannangi tolinnu na nupilangngeri.

AYUB 34:34

Sikontu tau cara'deka mattantu lanasitujui; tau cara'de' ampilangngeriai kanangku lanakana

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

PANGNGEBARANG 18:15

Tau bajika akkala'na, tuli turerei ri pangngassengang; tau cara'deka, tuli eroki anggappa pangngajarang.

PANGNGEBARANG 19:25

Punna nihukkung tau tampoa, anggappai pappilajarang tau tenaya pangalamanna. Punna nipasaile tau bajika akkala'na, lapila' katambangi kacara'dekanna.

PANGNGEBARANG 21:11

Hukkunganna tau pacau-caua a'jari pappilajarangi mae ri tau tenaya pangalamanna. Punna nipasaile tau bajika akkala'na, lapila' katambangi kacara'dekanna.

PANGNGEBARANG 8:33

Tarimami pappakaingakku siagang a'jari mako cara'de', teako bawang-bawangngangi.

PANGNGEBARANG 9:8

Teako callai tau taeroka niajara', saba' lanakabirisiko. Mingka punna tau cara'de' nupicinikiang kasalanna, lanapakala'birikko.

PANGNGEBARANG 9:9

Punna tau cara'de' nupakainga, pila' la'jari katambangi cara'de'na. Siagang punna tau mannuruki ri Allata'ala nuajara', pila' lakatambangi pangngassenganna.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

1 KORINTUS 10:15

Kupaumi anne mae ri kau ngaseng, kubilanga tau cara'de' annimbang bicara. Parallui nupikkiri' baji'-baji' anne bicara kupaua.

PAOLE 4:6

Majarrekko anggaukangi anjo kammaya. Punna nugaukang anjo kammaya, a'nyatami kacara'dekannu mae ri bansa-bansa maraenga. Punna nalangngereki ke'nanga ri passala'na anjo sikamma hukkunga, lanakana ke'nanga, ‘Teai sipato' cara'de'na siagang taranna ota'na anjo bansa lompoa!’