PANGNGEBARANG 1:33 - KITTA' MATANGKASA'

³³ Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

PANGNGEBARANG 1:33 Iomraidhean Croise

AYUB 36:11

Punna mannuruki siagang anynyomba ke'nanga ri Allata'ala, laamangi siagang lakala'biangi ke'nanga lalang tallasa'na sa'genna ammoterang.

PAMMUJI 81:13

Lanri kammana Kubalang parekangi ke'nanga terasa' ulunna; lappassammi naturuki ero'na ke'nanga.

PANGNGEBARANG 12:21

Tau bajika talanatujuai bala; tau ja'dalaka tuli lanatujui susa.

PANGNGEBARANG 14:26

Tau mappilangngeria ri Batara a'jari amangi, siagang kaluargana lania' pa'la'langanna.

PANGNGEBARANG 9:11

Kacara'dekanga lanasareko la'bu umuru'.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

YESAYA 48:18

Ebara' angkana nuparhatikangi sikamma parentaKu, lasalewangangko rapang binanga tenaya nale'ba' kalotoro', laupakko rapang bombang ri tamparang tenaya nale'ba' ammari-mari.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

KAIMANGNGANG 25:18

Turuki sikontu hukkunNa siagang parentaNa Batara, sollanna amang tallasa'nu lalang ri anjo pa'rasanganga.

KAIMANGNGANG 25:19

LaNasareko wassele' buttana anjo pa'rasanganga sa'genna angganna' kanrenu siagang salewangangko ammantang anjoreng.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

LUKAS 21:19

Punna sa'barakko siagang attahangko, lanipasalamakko.”

LUKAS 21:9

Tea tongko mallakki punna allangngerekko kabara' pa'bundukang siagang passisala-salang. Ia ngaseng minjo musti kajariang rolong. Mingka tenapa nakkulle nikana narapi'mi wattu allo kiamaka.”

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.