PANGNGEBARANG 1:23 - KITTA' MATANGKASA'

²³ Pilangngeria' punna kupasaileko, na lakupa'nyata bonena atingku, siagang kuajarrangko pangngassengangku.

PANGNGEBARANG 1:23 Iomraidhean Croise

PAMMUJI 145:1

Pammuji battu ri Daud. Erokka' ampakalompoKi', o, Allata'ala siagang Karaengku, siagang mammuji mae ri Katte satunggu-tungguna.

PANGNGEBARANG 1:25

Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 1:30

Tale'bakako ero' antarimai sikamma pappakaingakku siagang sikamma pappasaileku.

PANGNGEBARANG 10:17

Inai anjampangi pappasailea, lasalewangangi tallasa'na, inai battala' angngakui kasalanna, niaki lalang bahaya.

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

YESAYA 45:8

Kupaturungi pammetanga battu ri langika rapang bosi, nasungkei kalenna buttaya untu' antarimai, nampa napattimbo kasalamakkanga siagang kabebasanga; iNakkemi Batara ampa'jari ngasengi anjo sikammaya.”

YEREMIA 3:14

Nakana Batara, “He umma' tenaya namajarre' pa'mai'na, ammotere' mako mae ri Nakke! INakke ampatangko. LaKualleko tassitau battu ri tunggala' kotaya, ta'rua tau battu ri tunggala' lokoang bija, nampa Kuerangko ammotere' mange ri Bulu' Sion.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

YO"EL 3:1

Nakana Batara, “Anjo wattua laKupoterangi kacopponganna Yerusalem siagang Yehuda.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.