PANGNGEBARANG 1:2 - KITTA' MATANGKASA'

² Matu-matunna iamintu untu' antulungi taua sollanna naasseng antekamma batena nakkulle a'jari tu cara'de', siagang naasseng atorang baji'na nikanaya katallassang, kammayatompa nakkulle napahang battuanna kana rapang-rapang malantanga battuanna.

PANGNGEBARANG 1:2 Iomraidhean Croise

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.

PANGNGEBARANG 2:9

Punna mannurukiko ri nakke ana', lanuassengi anjo apa nikanaya adele', lambusu', siagang baji'. Lanuasseng tongi angkana antekamma batenu nukkulle tulusu' attallasa'.

PANGNGEBARANG 4:1

He ana'-anaka, pilangngeri laloi pappakainga'na manggenu. Parhatikangi anjo, nanula'jari tau cara'de'.

PANGNGEBARANG 7:4

Rapangi anjo kacara'dekanga sari'battannu siagang anjo pangngassenganga bela baji'nu.

PANGNGEBARANG 8:33

Tarimami pappakaingakku siagang a'jari mako cara'de', teako bawang-bawangngangi.

PANGNGEBARANG 8:5

Ikau tenayapa pangalamannu, appilajarakko ampatangi pikkirang taranga; ikau toloa, appilajarakko a'jari insa'.