PANGNGEBARANG 1:15 - KITTA' MATANGKASA'

¹⁵ Teako amminawangngi mae ri tau kammaya anjo, ikau ana'-anakku! Pakabellai kalennu battu ri ke'nanga.

PANGNGEBARANG 1:15 Iomraidhean Croise

PAMMUJI 1:1

Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

PAMMUJI 119:101

Kuliliangi sikamma panggaukang ja'dalaka, sollangku mannuruki ri ajaranTa.

PANGNGEBARANG 1:14

Umba, amminawang mako. Sinampe' nanibage sangkamma-kamma anjo barang-barang nirampasaka.”

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 24:1

Teako angngiri matai mae ri tau ja'dalaka, siagang teako eroki a'bela siagang ke'nanga.

PANGNGEBARANG 3:31

Teako angngiri matai mae ri tau ma'gau' katerassanga, siagang teako turuki gau'-gau'na ke'nanga.

PANGNGEBARANG 4:27

Pakabellai kalennu battu ri kaja'dallanga, siagang lambusukko lalang tallasa'nu. Tea' laloko ammengkai battu ri oloang annabaya.

PANGNGEBARANG 5:8

Pakabellai kalennu battu ri baine sala kammaya anjo. Ba'lalo teako a'reppesi ri balla'na.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YEREMIA 14:10

Ri passala'na anjo bansaya Nakana Batara, “Tena Kusannang mae ri sikamma anjo tau nangaia lari a'lampa ambokoiA', siagang tenaya naero' allewai kalenna. Tena nalaKukaluppai kasalanna ke'nanga; laKuhukkungi ke'nanga lanri dosana ke'nanga.”

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.