PANGNGEBARANG 1:11 - KITTA' MATANGKASA'

¹¹ Ebara' nakana ke'nanga, “Umba, ki'lampa mange a'boya tau nampa niborongi. Sollanna nia' nigaukang, umba naniba'ji tau tenaya salana.

PANGNGEBARANG 1:11 Iomraidhean Croise

PAMMUJI 17:12

Sanrapangi singa ke'nanga eroka angkokkoki musunna singa rungka angngadanga ri tampa' taccokkoa.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

PAMMUJI 56:6

Sila'busu' alloi musua angkacoi parkaraku tulusu' usahana ke'nanga ero' ancilakaia'.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

PANGNGEBARANG 1:18

mingka anjo tau ja'dalaka ba'lalo kalenna tonji ke'nanga natannangngi sikko', iamintu sikko' lambalai kalenna ke'nanga.

PANGNGEBARANG 12:6

Kana-kananna tau ja'dalaka ammunoi; kana-kananna tau lambusuka appasalamaki.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.

PANGNGEBARANG 30:14

Nia' tau amboyai dalle'na sanna' palla'na batena; sanna' sekke'na siagang napaccoki tu kasi-asia siagang tau lammaya.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 5:26

He ummakKu, nia' ri alla'nu tau ja'dala'. Sanrapang tau attayanga sikko' natannang untu' anjakkala' jangang-jangang, kamma tomminjo ke'nanga attannangi sikko' untu' anjakkalaki taua.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

LAMPA-LAMPANA 23:15

Jari, akkiring maki' sura' siagang anggota-anggota Pangadelang Agamaya mae ri anjo komandang pasukanna tantara Romaya. Kipalaki ri anjo komandanga sollanna naerang pole Paulus ri pangadelang agamaya, sangkamma eroki kiparessa baji'-baji' ammotere' parkarana. Nampa sadia memang ikambe ambunoi ilalang tenanapa nanrapi' mae anrinni.”

LAMPA-LAMPANA 25:3

siagang napala'mi ke'nanga pa'mai' baji'na, sollanna ero' assuro erangi Paulus mange ri Yerusalem; nasaba' le'ba'mi assikongkolo' ke'nanga ero' ambunoi Paulus ri tangngana aganga.