PAMMUJI 92:3 - KITTA' MATANGKASA'

³ angkabarrangi pangngamaseanTa ri wattu bari'basa', siagang nyawa tamamminraTa ri wattu bangngi,

PAMMUJI 92:3 Iomraidhean Croise

1 PATTOTTORANG 13:8

na Daud siagang sikontu bansa Israel a'joge'-joge'mi siagang akkelong-kelommi siagang lompo sumanga', untu' ampakala'biriki Allata'ala, narurungang kacapi, rebana simbala', siagang tarompe'.

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 23:30

Pantaranganna anjo musti akkelongi ke'nanga untu' ammuji ri Batara, bari'basa' karueng.

1 PATTOTTORANG 25:6

Yangasenna anjo ana'na Heman akkarena musi' simbala', kacapi, siagang gambusu' nipimping ri manggena ke'nanga untu' anrurungangi pa'gaukang sambayanga ri Balla'Na Batara. Asaf, Yedutun, siagang Heman anggappai tugasa' situru' pitunju' battu ri karaenga.

2 PATTOTTORANG 20:28

Ri wattunna battu ke'nanga ri kotaya, a'barrisiki ke'nanga mange ri Balla'Na Batara nirurungang siagang sa'ra kacaping siagang tarompe'.

2 PATTOTTORANG 23:5

bage tallunna maraenga ri balla' karaenga, siagang la'binnaya ri pakke'bu' lompo Uru-urua. Sikontu ra'yaka musti a'rappungangi ri parang lakkenna Balla'Na Batara.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

PAMMUJI 42:9

Poro Napappicinikang lalo pangngamaseanNa Batara ri wattu allo sollanna kukkulle akkelong ri wattu bangngi appala' doang ri Allata'ala kabattuanna tallasakku.

PAMMUJI 57:8

Kujarreki tappakku, o, Allata'ala, kujarreki tappakku, erokka' akkelong siagang ampujiKi'.

PAMMUJI 68:25

Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

1 SAMUEL 10:5

Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.