PAMMUJI 92:2 - KITTA' MATANGKASA'

² Tamaka baji'na appala' sukkuruka mae ri Katte, o, Batara, siagang mammuji ri Katte, Allata'ala Kaminang Tinggia;

PAMMUJI 92:2 Iomraidhean Croise

1 PATTOTTORANG 25:1

Untu' ammimping sikamma pa'gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke'nanga nisare tugasa' untu' ampabattui pappasang battua ri Allata'ala siagang nirurungang musi' kacapi, gambusu', siagang simbala'. Untu' ammimping sambayang siagang massing-massing antekamma pa'gaukanna, nipilemi siapa are regu iamintu:

AYUB 35:10

Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

PAMMUJI 101:1

Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

PAMMUJI 145:2

Allo-alloku ero' appala' sukkuru' mae ri Katte, siagang kupakala'birikKi' satunggu-tungguna.

PAMMUJI 147:1

Pujimi Batara! Saba' bajiki ammujia mae ri Ia, siagang sannangi pa'maika akkelonga mammuji mae ri Ia!

PAMMUJI 71:15

Sila'busu' alloi lakucarita sikamma gau' adeletTa, na kasalamakkang battua ri Katte nisawalaka nirekeng jaina.

PAMMUJI 77:2

Assa'ra lompoa' akkio' mae ri Allata'ala; assa'ra lompoa' akkio', na napilangngeria'.

PAMMUJI 9:3

Erokka' ma'rannu-rannu siagang ma'reja-reja lanri iKatte na kupuji arenTa, Batara Kaminang Tinggia.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

LAMPA-LAMPANA 16:25

Kira-kira tangnga bangngi sitabangi appala' doang siagang akkelong-kelong mammuji ri Allata'ala Paulus siagang Silas.