PAMMUJI 81:5 - KITTA' MATANGKASA'

⁵ Saba' kammai anjo paratoranga ri Israel, se're parenta battu ri Allata'alana Yakub.

PAMMUJI 81:5 Iomraidhean Croise

PAMMUJI 114:1

Ri wattunna assulu' bansa Israel battu ri Mesir, wattunna nabokoi turunganna Yakub pa'rasangang maraenga,

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.

PAMMUJI 78:6

sollanna naasseng ana' ri bokoa, nampa napatulusu' pole mae ri ana'-ana'na ke'nanga.

KALAPPASSANG 11:4

Nakana Musa ri karaenga, “Kammaminne kananNa Batara, ‘Kira-kira ri wattu tangnga bangngi la'lampa' anjappai sikontu butta Mesir.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

YESAYA 28:11

Punna tena ngaseng nuero' ampilangngeria', lania' tau maraeng laNasuro Batara untu' angngajarakko bicara maraeng, julea nulangngere'.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

PAOLE 4:45

Anjo kammaya nagaukangi ri assulu'namo ke'nanga battu ri butta Mesir siagang ri nia'na ke'nanga ri ka'bung rayanganna Binanga Yordan, assidallekang siagang kota Bet-Peor. Anjo daeraya le'ba' daerana Sihon, karaenna tu Amori, le'baka ammarenta riolo ri kota Hesybon. Nibetai ri Musa siagang bansa Israel ri wattunna assulu' ke'nanga battu ri butta Mesir.