PAMMUJI 74:5 - KITTA' MATANGKASA'

⁵ Sanrapangi ke'nanga pata'bang kayu ansoeangi pangkulu'na, untu' anta'bangi poko'-poko' kayua ri romanga.

PAMMUJI 74:5 Iomraidhean Croise

1 KARAENG-KARAENG 5:6

Naassemmi Karaeng Allata'ala angkanaya ri tangnga-tangngana ra'yakku tena tau cara'de' anna'bang poko' kayu sangkamma ra'yatta. Lanri kammana anjo, kupalaki ri katte poro akkullei kisuro ra'yatta ampa'na'bangnganga' poko'-poko' camara ri Libanon. Lakusuroji ra'yakku ambantui ke'nanga, siagang manna siapa gaji kipattantua untu' ke'nanga anjo taunta, lakubayaraki.”

2 PATTOTTORANG 2:14

Amma'na tubattu ri suku Dan, na manggena tu Tirus. Cara'deki appare' apa-apa battu ri bulaeng, pera', tambaga, bassi, batu siagang kayu. Akkullei anjama kaeng moncongbulo, lame butung, eja, siagang kaeng lenang. Sikontu rupanna jama-jamang niukirika akkulle najama situru' modele' apa-apa mamo kikaerokia. Baji'mi nisare tugasa' sipanjamang siagang sikamma pajamata, kammayatompa siagang sikamma tau le'baka anjama untu' Karaeng Daud manggeta.