PAMMUJI 74:3 - KITTA' MATANGKASA'

³ Kijappai sai tampa' le'bakamo a'jari runtungang; sikontu apa-apa niaka ri BallatTa le'ba'mi naancuru' musua.

PAMMUJI 74:3 Iomraidhean Croise

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

NEHEMIA 2:13

Bangngi iji nanabokoi ikambe anjo kotaya, ammalo ri Pakke'bu' Lompo Ka'bung, ri bageang ilau'. A'lampa timboroki ikambe, mange ri Pakke'bu' Lompo Pa'loroang, ammalo ri Timbuseng Je'ne' Naga. Lalang a'jappana ikambe kuparessami sikamma kapanrakanna tembo' kalli'na kotaya. Kammayatompa kucini' tommi sikamma pakke'bu' lompo le'baka nakanre pepe'.

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.

PAMMUJI 79:1

Pammujina Asaf. O, Allata'ala, bansa tenaya naassengKi' naempoimi butta pisakaTa. Nara'massimi BallatTa, napa'jarimi Yerusalem rumbangngang balla'.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 9:17

O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

MIKHA 1:3

Naungi battu ri pammantangngang matangkasa'Na Na'jappa irate ri coppo'-coppo' buluka ri buttaya.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

MARKUS 11:17

Nampa Naajara' ngaseng tau niaka anjoreng. Nakana, “Nia' tattulisi' lalang ri Kittaka angkana: Nakana Allata'ala, ‘BallakKu laniarengi tampa' pappala' doangang untu' sikontu bansaya.’ Mingka ikau ngaseng nupa'jari pa'ru'mungang paella'!”

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

YOSUA 10:24

na nierang mange ri Yosua. Nampa nakio'mo Yosua battu asse're sikontu tu Israel, na nasuro ngaseng sikamma perwira amminawanga siagang ia a'bundu' battu angngonjokangi kallonna anjo limaya karaeng. Battu ngasemmi sikamma perwira na naonjokang kalonna anjo limaya karaeng.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.