PAMMUJI 73:3 - KITTA' MATANGKASA'

³ saba' angngiri mata' mae ri tau tampoa, ri wattunna kucini' kaupakkanna tau ja'dalaka.

PAMMUJI 73:3 Iomraidhean Croise

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

AYUB 17:8

Tau bajika, ta'bangkai na lannasa'; tau tenaya salana, nakapangi tena Bataraku.

AYUB 21:7

Angngapa natau ja'dalaka Nasare umuru' la'bu Allata'ala, siagang tulusu' katambang barang-baranna ke'nanga?

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

PAMMUJI 37:1

Battu ri Daud. Teako lussakki lanri tu ja'dalaka, teako angngiri matai mae ri tu a'gau' salaya.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PANGNGEBARANG 23:17

Teako angngiri matai mae ri tau dorakaya. Tuli mannurukiko ri Allata'ala,

PANGNGEBARANG 24:1

Teako angngiri matai mae ri tau ja'dalaka, siagang teako eroki a'bela siagang ke'nanga.

PANGNGEBARANG 3:31

Teako angngiri matai mae ri tau ma'gau' katerassanga, siagang teako turuki gau'-gau'na ke'nanga.

KATO'BA 7:15

Tallasakku tena matu-matunna, mingka lalang tallasakku nia' kucini' kammaya anne: Nia' wattunna napanra' tau bajika, manna pole natau baji'. Nia' wattunna nala'bu umuru'na tau ja'dalaka, manna pole natuli nagaukang dosaya.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”