PAMMUJI 71:3 - KITTA' MATANGKASA'

³ A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

PAMMUJI 71:3 Iomraidhean Croise

PAMMUJI 144:2

Ia antulunga' siagang angngalleanga', ampasalamaka' siagang tampa' pa'la'langangku. Ia pa'la'langangku, tampa' palariangku, napantuduki bansa-bansaya mae ri nakke.

PAMMUJI 18:2

Mangngaia' ri Katte, o, Batara, iKattemi kagassingangku.

PAMMUJI 18:3

Batara sanrapang pa'la'langngang makassakku tampa' pa'la'langangku. Allata'alaku sanrapang moncong batu tampa' pa'la'langangku. Sanrapang pa'lapa' antongkokia', siagang anjagaia' kutuli amang.

PAMMUJI 44:4

Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

PAMMUJI 68:28

Benyamin, suku kaminang ca'dia, a'jappa ri dallekang, nampa a'rurung-rurung sikamma pinggawana tu Yehuda ri bokona sikamma pinggawana tu Zebulon siagang Naftali.

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

PAMMUJI 90:1

Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

PAMMUJI 91:9

Saba' Batara nupa'jari Tumappasalama'nu, Kaminang Tinggia nupa'jari pa'la'langannu.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.